KIM igiye kujya iha abayigamo amahirwe yo kwiga amasomo y’imyuga ku buntu

August 19, 2015


Ishuri rikuru KIM ryatangije gahunda yo kwigisha amasomo y’umwuga (Professional Courses) ku buntu ku banyeshuri bayigamo ndetse bakayafatanya n’amasomo basanzwe biga.

Ubusanzwe amasomo y’Imyuga kugira ngo uyige ubanza kwishyura, ariko KIM yahisemo kujya iyigishiriza ubuntu ku munyeshuri wayo wese.

Umuyobozi ushinzwe amasomo y’Imyuga muri KIM, Nyakenywa Renard Obiri, atangaza ko iki cyemezo cyafashwe bitewe n’uko ayo masomo ari yo akenewe ku isoko ry’umurimo muri iyi minsi.

Yagize ati ”Amasomo y’umwuga (Professional Courses) tuyabahera ubuntu, ni ukuvuga ko amafaranga yo kuyiga, ayo kwiyandikisha n’ayo gukora ikizamini ari twe tuyabishyurira.”

Amasomo y’Ikoranabuhanga na yo arahatangirwa

Nyakenywa akomeza avuga ko iyo umunyeshuri yiyandikishije kwiga muri KIM ahita abona buruse (Scholaraship) yo kwiga amasomo y’umwuga, akazarangiza afite impamyabumenyi y’amasomo asanzwe ndetse n’impamyabushobozi y’amasomo y’umwuga, kuko ayiga ayabanginyanyije.

Amasomo y’umwuga KIM itanga ni Certified Accounting Technician (CAT-Rwanda), Certified Public Accountants (CPA-Rwanda), Association of Business Managers and Administrator (ABMA-UK) na Chartered Institute of Procurement & Supply (CIPS)-UK Program.

Umuyobozi wa KIM Prof.Pius Ongoro Odunga

Umuyobozi wa KIM Prof.Pius Ongoro Odunga avuga ko uretse aya masomo y’imyuga ndetse n’amasomo y’ibaruramari n’icungamutungo KIM igiye gutangiza n’andi masomo mashya.

Yagize ati ”Mu minsi mike turatangiza amasomo mashya ari yo Bsc.Economics , Bsc.Computer Science, Bsc Logistics and Supply Chain Management na Bachelor of Business Education ndetse n’amasomo y’icyiciro cya gatatu cya Kaminuza.”

Abize muri KIM barangiza bafite ubushobozi bwo guhangana n’abandi ku isoko ry’umurimo kuko baba barigishijwe n’abarimu b’inzobere ndetse bakanahabwa ibikoresho bihagije birimo isomero ryujuje ibyangombwa na laboratwari (Laboratoires) za Mudasobwa (Computer Lab).

SRC:Igihe

Kanda hano udukurikire kuri Facebook na Twitter

Give your idea