Cristiano Ronaldo yanditse amateka atarakorwa n’undi mukinnyi ku isi

April 23, 2019


Cristiano Ronaldo yanditse amateka atarakorwa n’undi mukinnyi ku isi
Nyuma yo kuba ari umwe muri babiri bafite Ballon d’Or 5, Ronaldo abaye umukinnyi wa mbere ku isi ubashije gutwara ibikombe bya shampiyo mu bihugu bitatu bitandukanye

Cristiano Ronaldo ukinira ikipe ya Juventus yo mu Butaliyani akomeje kugaragaza ko nasoza umupira w’amaguru azakumburwa n’abakunzi bawo kubera amateka akomeje gukora.

Ibi yabigezeho muri izi mpera z’icyumweru ubwo ikipe ya Juventus yatwaraga igikombe cya Shampiyona itsinze fiorentina ibitego 2-1, bikamufasha kwandika amateka ariwe mukinnyi watwaye Shampiyona y’Abongereza (Premiere League), Shampiyona ya Espagne (La Liga) none yegukanye n’iy’Ubutaliyani (Serie A).

Akimara gutwara iki gikombe yabwiye itangazamakuru ko ntako bias kuba akomeje kwandika amateka kandi ko yiteguye gukomeza kugera kuri byinshi hamwe n’iyi kipe.

Ronaldo ati, “Ubu ndi hano kandi nizeye ko nzakomeza kuhaba, Nizeye ko 1000% umwaka utaha nzaba nkikinira Juventus. Aha ni ahantu heza kuri njye, narahiriwe cyane”

Iki gikombe cya Shampiyona (Serie A)Juventus yegukanye ni icya kane yikurikiranya kikaba icya 35 muri rusange

Kanda hano udukurikire kuri Facebook na Twitter

Give your idea