Gicumbi: Green Party Izita Ku Kibazo Cy’amazi N’ubutaka

August 22, 2018


Mu gikorwa cyo kwiyamamariza mu Ntara y’Amajyaruguru mu Karere ka Gicumbi, ishyaka Green Party ryagarutse ku kibazo cy’ubutaka bukwiye gusubizwa abaturage, kandi bakabona amazi meza.

Kandida Depite Deogratis Tuyishime usanzwe anakuriye itangazamakuru muri DGPR

Hafi y’umupaka wa Uganda, mMu gasanteri ka Yaramba, mu murenge wa Nyankenke ho mu Karere ka Gicumbi Intara y’amajyaruguru, niho hakomereje ibikorwa byo kwiyamamaza by’Ishyaka Green Party kuwa kabiri tariki ya 21/08/2018.

Abaturage benshi bitabiriye iki gikorwa, kandi bari bizihiwe ku buryo bugaragara, bakurikira imigabo n’imigambi y’Abakandida bIshyaka riharanira Demokarasi no kurengera ibidukikije.

Ntezimana Jean Claude Umunyamabanga Mukuru wa Green Party yabamaze impungenge ku kibazo cy’abakunze gukeka ko amashyaka atavuga rumwe n’ubutegetsi aba aburwanya. Yababwiye ko kutavuga ruwe na Leta , ibyo bita “Opposition” ari inzira ikoreshwa ngo bayikebure ho bikenewe, ntibiba bivuze ko bahanganye nayo.

Ntezimana Jean Claude yatanze ingero zinyuranye z’ibyo biyamamazaga bavuga ko bazakora nibatorerwa kuyobora igihugu, none ubu bikaba biri gushyirwa mu bikorwa kuko Leta yasanze byari bikenewe. Ati “Ntitwaruhiye ubusa”.

Ntezimana Jean Claude yakomeje avuga ko nibatorwa ubuvugizi bwose bw’abaturage buzihuta, kuko baaba intumwa mudatenguha.

Aganira n’Itangazamakuru nyuma y’igikorwa cyo kwamamaza Green Party i Gicumbi, Kandida Depite Deogratis Tuyishime usanzwe anakuriye itangazamakuru muri DGPR, yavuze ko kimwe mu bibazo Abanyagicumbi bakeneye gukemurirwa, ku isonga habanza icyo gusubizwa ubutaka. Ko muri gahunda yo gusubiza ubutaka abaturage, amategeko azigwa azatuma umuntu adahangayikishwa no kwibaza icyo azishyurira umusoro w’ubutaka bwaba ubwo atuyeho cyangwa se ahingaho.

Jean Elysee Byiringiro / Indatwa.org

Kanda hano udukurikire kuri Facebook na Twitter

Give your idea